Gu ere Putzuetan plast egitera animatuko gara!
Guraso.eus eta Txatxilipurdi elkartetik herri, hiri eta inguruak jolaserako erabiltzera animatu nahi dituzte herritarrak, heldu zein haur! Honetarako, “La ciudad del juego” proiektuan ispiratuta, Putzuetan Plast! ekimena antolatu dute.
Guraso.eus eta Txatxilipurdi elkartetik herri, hiri eta inguruak jolaserako erabiltzera gonbidatu nahi dituzte. Honetarako, “La ciudad del juego” proiektuan ispiratuta, Putzuetan Plast! ekimena antolatu dute.
Ekimen honen bitartez hiri, herri, auzo edo natur inguruetan dauden putzuek jolaserako eskaintzen diguten aukera balioan jarri nahi dute. Euriak jolaserako eskaintzen digun aukera aprobetxatuz, putzura salto egin eta zipriztintzearen gozamena aldarrikatu!
Beraz, helduontzat ustez desatsegina den zerbait gozamenerako aukeran bilakatu nahi dute, esperientzia honetara haurrak, nerabeak, gazteak, helduak zein aiton-amonak gonbidatuz.
Guztiok jolastu izan dugu putzuekin, haurrek putzuen gainean ilusioz egiten dute salto, esperimentatu egiten dute uretan inguruneak egiten duen isladarekin, gozatu egiten dute plisti-plasta egiten. Ekimen txiki honekin, haurrek zein helduek horren sinplea eta gure ingurunean garai honetan horren ugaria den zerbaitekin jolastea proposatu nahi dute, urarekin.
• Zer bilatzen dugu? Putzuetan jolastuko duten herritarrak
• Nola hartu dezakezue parte? Putzuetan jolasean ari diren pertsonei argazkia atera eta bide hauetatik gurekin partekatuz:
- Whatsapp eta Telegram sareen bitartez 688807879 telefono zenbakian
- Emailez txatxilipurdi@txatxilipurdi.eus helbidean
- Argazkiarekin batera parte hartzailearen izen abizen eta telefono zenbakia bidali beharko da, eta nahi izanez gero putzuaren kokalekua, modu honetara beste batzuk ere potzu horrekin gozatzeko aukera izango dute.
• Kontutan izan! Argazkietan adingabeak zein helduak ateratzen badira, parte hartzearekin batera onartuko duzula irudiak Txatxilipurdi eta guraso.eus eko sareetan zein webgunean argitaratzea.
• Nork hartu dezake parte? Jolasteko gogoa duen edozein pertsonak.
• Noiz dago ekimena martxan? Urtarrilaren 25etik otsailaren 26ra jasoko ditugu argazkiak. Ondoren, parte hartzaile guztien artean Txatxilipurdiko produktuen lote hau zozketatuko da.
Aurkitu putzu bat, jolastu eta atera argazkia #putzuetanplast eginez!!!
