[Tratu onen foroa] Haurren sexualitateak

Maiatzaren 14, osteguna, zenbait eragilek (plax!, berdintasun kontseilua, eta baita Oinherriren parte diren Arremanitz eta Hernaniko Udalak ere) Tratu Onen foroa antolatu dute. Zoom bidez dinamizatuko da egitasmoa eta bertan parte hartzeko aurrez izena eman beharko da . Albistean informazio gehiago.

Elkarbizitza berexi honetako egoera DESEROSOETATIK, gurasoen INTIMITATERA

- IRTENBIDE ETA ZAINTZA PRAKTIKOAK-

Gurasook egunerokoan ditugun erronkak gutxi baziren, egun COVID-19ak muturreko egoerak ekarri dizkigu, aukerak eta zailtasunak biderkatuz. Haurrekin elkarbizitza intentsuagoa da, partekatzen diren une bereziak gehiago, baita nekeak eta haserrealdiak ere.

Sexualitateak, etxeko giro desberdinetan ageriko lekua har dezake: begi-bistako esplorazioak, galdera deserosoak, mugikorren bitartez sartzen diren edukiak, gurasoen arteko harremana begi[ bistan egotea... Agian, kezkatzen gaituzten egoera indefinituekin ere topa gaitezke. Beste batzuk, partekatutako denbora zabaldu den honetan, aukera polita ikusiko dute, haurren sexualitateei modu sano eta berritzaile batetik begiratzeko.

Honen guztiaren inguruan eskuhartzeko irtenbide eta zaintza praktiko sorta eskainiko da saio honetan. Eta elkarrekin bizi diren gurasoek bikote harreman intimoak zaintzeko eta bizi-pozari heltzeko, gako errealista eta egingarri batzuk ere eskuratuko dituzte.

Saioan izena eman eta galdera ezberdinak proposatzeko jarrai itzazu ondorengo jarraibideak:

1-Sartu hemen: https://www.arremanitz.eus/kontaktua/
2-IRUZKINEAN idatzi: Hernani haurren sexualitateak.
3-Bota zure galdera IRUZKINEAN, anonimoa izango da.
4-Egunean bertan "Zoom" plataforman sartzeko esteka pasako dizugu
5-Hitzaldia hasi baina 10 minutu lehenago sartzea eskertuko da.