Trebakuntza saio arrakastatsuak Donostian

Azaroaren 14an OINHERRI egitasmoak sorturiko liburuxka sortan oinarrituriko lehen trebakuntza saioak eman genituen donostiako Tabakaleran, egitasmoa osatzen dugun eragile desberdinok elkarlanean emanak.

Lorea Agirrerekin eman genion hasiera, "Aisialdi parte hartzaile, euskaldun, hezitzaile eta herritarraren" garrantzia azpimarratuz. Azalpenak hurrengo saioetara ikuspegi irekiago batekin joateko balio izan zigun, aisia eta hezkuntza eredua eraldatzaile batek bete beharreko balioak zeintzuk izan beharko lirateken hausnartzeko aukera emanez.

Kafe azkar baterako tartearen ostean "Nola sustatu haurren parte hartzea ikuspegi feministatik" eta "Parkeak bizitzeko modu berriak" tailerretan bildu ginen.

Urtxintxa eskolako Maitane Muñozekin genero rolak baztertuz aisia parekide baterako aukerak lantzen jardun genuen, dinamika desberdinen bitartez eta talde txikitan hausnartuz. Txusma Azkonarekin berriz, ohiko parkeetatik haratago alternatibak badaudela ikusi ahal izan genuen, urtetan galdutako naturarekiko kontaktua berreskuratzeko aukera ematen digutenak.

Bigarren lan saioan berriz udalekuetan eta ludoteketan parte hartzea nola susta genezaken lantzen jardun genuen. Gure barruko haurraren nahiak entzun genituen Eñaut Aiartzaguena eta Irati Seijo Amaraunako lagunekin, udalekuak antolatzerako lanetan hasi aurretik guztiok egin beharreko ariketa. Txatxilipurdiko Maialen Gorosabelekin aldiz, ludoteka parte hartzaileak irudikatu genituen taldetxotan, ze irizpide bete beharko lituzketen, ze rol hartu beharko genuken...

Gustura atera ziren parte hartzaileak tailerretatik, ideia mordoxka bat jasota eta bakoitzak berean eragiteko gogo ikaragarriarekin. Larunbatekoak lehen saioak izan ziren, etorkizuneko saioetan hobetzeko laguntza emango digutenak.

Zuena da txanda, biba zuek!